Hallan al pariente más antiguo de los dinosaurios

Un equipo internacional de paleontólogos descubriu en Tanzania fósiles dunha nova especie que viviu durante o Triásico fai 240 millóns de anos, uns 10 millóns de anos antes que os seus parentes próximos, os dinosauros.

Os restos de 14 exemplares foron achados en 2007 nun mesmo lugar no sur de Tanzania, o que permitiu reconstruír practicamente un esqueleto enteiro do réptil herbívoro, bautizado asilisaurus kongwe.

O profesor Sterling Nesbitt, da universidade de Texas, o seu colega Randall Irmis, da universidade de Utah, e paleontólogos de Sudáfrica e Alemaña describen o exemplar nun estudo publicado na revista Nature.

A nova especie, descrita como un silesaurido, un parente próximo dos dinosauros, medía entre 50 cm e un metro de alto ata a cruz e tiña uns 3 metros de longo e entre 10 e 30 quilos de peso.

Andaba sobre catro patas e o máis probable é que se alimentase de plantas ou unha combinación de plantas e carne.

Segundo o estudo, os restos datan de pouco despois de que se producise a escisión entre cocodrílidos e o último devanceiro común de dinosauros e pterosaurios, o silesaurus.

Os restos do asilisaurus foron achados xunto cos fósiles de varios crocodilos primitivos, o que suxire que a diversificación entre os parentes dos crocodílidos e os dinosauros foi rápida e ocorreu antes do que se pensaba, afirman os científicos.

«Esta investigación indica que hai moitos grupos de animais que aínda deben ser descubertos neste período temperán dos parentes dos dinosauros», sinalou Irmis.

«O asilisaurus e outros silesauridos demostran o potencial aínda existente no rexistro fósil», declarou pola súa banda a Efe Nesbitt.

O primeiro silesaurus foi descuberto en 2003 e en só sete anos apareceron oito especímenes máis en rocas pertencentes ao período triásico.