Blogia
Xuko

El Sergas resucita a Juana

El Sergas resucita a Juana

En 1994, Dolores Rodríguez enterraba á súa nai, que con 94 anos era unha persoa que sempre gozara de boa saúde, «e que só estivo dúas veces hospitalizada en toda a súa vida». Cando, aos poucos meses da súa morte, recibiu un cartón sanitario ao seu nome achacou este erro a que facía pouco que a súa nai, María Juana Fernández Barbeito, falecera.

Co documento do Sergas na man, esta veciña de Culleredo dirixiuse ás oficinas que este servizo ten na cidade da Coruña e deuno de baixa. «Unha moza atendeume e díxome que non me preocupase, que xa estaba todo solucionado», recorda. Con todo, cal foi a súa sorpresa cando, aos poucos anos, unha carta da Consellería de Sanidade volvía entregarlle outro cartón sanitario a nome de María Juana Fernández, que novamente a súa filla tivo que cancelar.

A historia volveu repetirse estes días, cando Dolores Rodríguez abriu unha terceira misiva do Sergas coa nova identificación sanitaria da súa nai. «Non coñezo a ninguén que lle pasou isto, pero seguramente haberá moita máis xente, porque en vista do éxito... Eu non dou crédito. Paréceme que logo de 16 anos é tempo suficiente para habelo arranxado. Con tantos afiliados que hai á Seguridade Social, a saber cantos teñen sen dar de baixa», reflexiona a muller, que non ten pensado cancelar este terceiro documento. «Teño aquí o cartón relucente e voulle a pór un marco, porque isto é incrible. Eu non vou dala de baixa, xa non me molesto. O meu tempo non está para perdelo, e prefiro ir tomar un café que facer un trámite que non vale para nada», afirma.

Ese Sergaaaaaasssss.......

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

0 comentarios

¿Y esta publicidad? Puedes eliminarla si quieres